Унаысь нин кывлi Зимстанса «Юнармейцы» клуб йылысь, кытысь том йöз тшöкыда петкöдчылöны чужан му радейтöмлы сиöм аддзысьлöмъяс вылын. Юрнуöдö котырöн вежавидзысь да челядьöс став сьöлöмнас радейтысь ОБЖ велöдысь, кадетъяслöн классöн веськöдлысь Евгений Андреевич Кочанов. Подулöн лоис 2008-öд воын котыртöм кружок. Клубын 5-11 класса челядь. Чукöртчылöны вежонын кык час кежлö куимысь. Быд во Победа лунö сулалöны почёт караулын, петкöдчöны Победалы сиöм гажын. Ветлöны ёнмöдчан туйвизя районса став ордйысьöм да чукöртчылöм вылö. Топыд йитöдаöсь кусöдчанiнса уджалысьяскöд да петкöдчöны наöн котыртöм ордйысьöмъясын. Ветлöны и республика тшупöда ордйысьöмъяс вылö. Дасьтiсны воин-интернационалистъяс, Афганистанса да Чечняса войнаяс, а сiдзжö Климовскысь, Фроловскысь да Лöгинъягысь Великöй Отечественнöй война вылö ветлысьяс йылысь кинофильмъяс. Районын медводдзаяс лыдын нуöдiсны «Кувлытöм полк». 

Январ 31-öд лунö районса шöр библиотекаын республикаса национальнöй библиотекакöд öтув видео отсöгöн котыртлiсны Россияса гижысьяслöн котырö пырысь, филология наукаяслöн кандидат Алёна Ельцовакöд аддзысьлöм. 

Вöр-валысь юкöнъяс торъя дöзьöр улын видзысь шöринысь специалистъяс кольöм воын дасьтiсны да сетiсны урокъяс, кыдзи сöстöма овны вöр-ваын, мый вöчны сiйöс дорйöм могысь. Шымыртiсны 770 велöдчысьöс. 

Эжва дорын сэтшöм гажа! Уялöны челядь, нимкодясьöны гожöмлы. Енэжын абу весиг кымöртор. Пöжö, а ю дорын ыркыд, лолыдлы кокни. 
Рытланьыс, кор берег дорын йöзыс чиныштiсны, локтiс вугыр шатина олöма айлов, босьтчис кыйсьыны. Лэптiс ваысь некымын чери, сэсся горöдiс: 

Ёна шогöдö вöр-ваöс пежöсьтöм. Тшöкыда йöз шыблалöны лöп-ёг асланыс керка доръясö, пуясаинъясö, ю дорö, вöрö. Сiйö урöстö оз сöмын вöр-ва, но и пежöсьтö сынöд да му. Чукöрмöны чорыд и кизьöр шыбласъяс. Кизьöрыс веськалö ваö. Татшöм васö юигöн йöз висьмöны.