Февраль 23-öд лунö чолöмалам айловъясöс — Айму дорйысьясöс. На лыдын вöлiны и овмöдчöминъясса юралысьяс. Со мый найö казьтылöны армияын служитöм йылысь.
Игорь Павлович Липин — «Куж» овмöдчöминса юралысь:Армияö босьтiсны техникум бöрын, служитi 1984-1986-öд воясын. Веськалi Казахстанса Семипалатинскö, ядернöй öружие донъялан полигон вылö. Вöлi автомобильнöй войскаын отделениеса командирöн. Ядернöй взрывъяс водзын нулiм салдатъясöс 15 километра сайö, найö сулалiсны кытшöн да видзöдiсны, мед сэтчö эз веськавны бокиысь йöз. Татшöм лунъясö ми тшöтш кышавлiм радиацияысь видзан паськöм, видзöдiм, мед лючки уджалiс техника.

Колис 30 во, кыдзи помасис матö дас во мунысь Афганистанса война. Миян зонъяс, Афганистанын кындзи, вöлiны Кореяын, Вьетнамын, Кубаын, Египетын, пöртiсны воин-интернационалистлысь мог. Чужанiнö бергöдчöм бöрын став сьöкыдсö кутiсны ас пианыс. Эз батьясныс, а найö лоисны войнаса ветеранъясöн. 

Шоныда казьтылö армияö ветлöм Носимысь Василий Кочанов. Сэнi аддзис выль ёртъясöс, босьтiс выль тöдöмлунъяс.