Шöринлöн тöждлунöн
Вöр-валысь юкöнъяс торъя дöзьöр улын видзысь шöринысь специалистъяс кольöм воын дасьтiсны да сетiсны урокъяс, кыдзи сöстöма овны вöр-ваын, мый вöчны сiйöс дорйöм могысь. Шымыртiсны 770 велöдчысьöс.
Таво ветлiсны нин Сосногорскö, Ухтаö, Кöрткерöсö, мукöдлаö. Февраль öтиöд лунö вöр-валысь юкöнъяс торъя дöзьöр улын видзысь шöринысь И.А.Лихотин да М.В.Шилова аддзысьлiсны Кулöмдiнса да Немдiнса школаясын велöдчысьяскöд. Найö медводз висьталiсны, кутшöм лёк вайö вöр-валы кытчö веськалö лöп-ёг шыблалöм. Тöдчöдiсны, мый тасянь кöвъясьöны быдсяма лёк висьöмъяс и йöзлы. Шыбласъяс сiдзжö вайöны лёктор вöрса пемöсъяслы. Овлö, мый сибдöны юрнаныс кольöм дозъясö. Ставсö виö гöгöрсьыс шыбитöм батарейка.
/ти мортсянь луннас артмö шöркодя 2,5 килограмм шыблас. Воöн быд олысь шыбитö 900 килограмм лöп-ёг. Учёнöйяслöн арталöм серти, 2050 во кежлö океанын пластик вермас лоны черисьыс унджык.
И.А.Лихотин да М.В.Шилова тöдмöдiсны велöдчысьясöс, кутшöм рöма контейнеръясö кутшöм лöп-ёг пуктыны, мед водзö сыысь мыйкö вöчны. Ковтöм пластик колö чукöртны кольквиж рöма контейнеръясö, а бумага — лöз, кöрт — гöрд, мукöдтор — руд рöма дозъясö. /тувъя контейнеръясö оз позь шыблавны батарейкаяс, ртутя градусникъяс да лампочкаяс, кодъяс вайöны медыджыд лёк.
Челядь сюся кывзiсны, а сэсся шöринса специалистъяс ворсöмъяс осöгöн тöдмалiсны, бура-ö найö сюркнялiсны пель саяныс висьталöмсö.
Миян районын вöр-ва видзöм кузя велöдöмлы сетöны ыджыд тöдчанлун. 2018-öд воын вöлi «Вöрса ордым» ордйысьöм да медводзын лоисны Кулöмдiнса школаысь велöдчысьяс. Дипломъяс вичмисны Ульяна Ульныровалы, Аурика Селезневалы, Иван Изъюровлы, Ксения Зезеговалы, Алина Киселёвалы, Платон Калининлы, Дмитрий Опаринлы. Аттьöалан гижöдöн видеороликысь пасйисны «Yo Jo» телестудяöн веськöдлысь Вероника Липинаöс.
Галина Клюжева.
Гижысьлöн снимок вылын:
челядь торйöдöны лöп-ёг.
Комментарии: