Октябр помын районö волiс социальнöя сöвман республикаса агентствоöн веськöдлысьöс медводдза вежысь Олимпиада Борисовна Шуктомова. Районса администрацияöн веськöдлысьöс медводдза вежысь Е.А.Стяжкинакöд да йöзöс социальнöя доръян шöринöн веськöдлысьöс вежысьяс А.А.Зезеговакöд да С.И.Журавскаякöд аддзысьлiсны Носимса олысьяскöд. Кывзiсны налысь тöжд-могъяс. Сиктса депутат висьталiс Носимса да Паспомса олысьяслысь сьöлöм дой. Йöзöс новлöдлöмысь кывкутысь И.В.Ракин ноябрсянь дугöдiс Кулöмдiнсянь Носимсö да Паспомö 9 час 30 минутын ветлысь автобус, кöть сёрнитчöмын пасйöма, кутшöм лунъясö да кымынысь, кымын часын сi петö. Элясис и 89 арöса ань, кодi быдтiс висьысь вермытöм пиöс, та вöсна уджавлiс уналаын этшаникöн, весиг война кадö. Но стаж абу, абу и некутшöм кокньöд. Кывкутысь йöз вочавидзисны юалöмъяс вылö, ставсö босьтiсны тöд вылö. О.Б.Шуктомова ветлiс и олöмаяслöн да вермытöмъяслöн Югыдъягса керкаö, кöнi дзоньталiсны да паськöдчыштiсны, ньöбисны выль оборудование. Содiс и олöмаяслöн лыд. Республика пасьтаысь танi олö 40 морт. Оз элясьны, на вöсна тöждысьöны бура.
Марина ДАДАШОВА.
Авторлöн снимок вылын: О.Б.Шуктомова (шуйгавылас) кывзö А.Г.Борисоваöс.