«2012-öд вося урожай» ярмарка
Кулöмдiн районса администрация корö районса олысьясöс да гöсьтъясöс сюртчыны видз-му овмöс вöлöгалöн «2012-öд вося урожай» выставка-ярмаркаö, кодi воссяс 2012-öд вося ноябр 2-öд лунö 10 часын районса культура керка водзын. Ярмарка вылын лоас видз-му овмöс унасикас вöлöга: яй (порсь яй, кукань яй), йöв да йöлысь вöчöмторъяс, пöжасъяс, тшöтш и юмовторъяс. Ярмарка вылын лоö котыртöма сёян-юанiн (юктöдасны чайöн, кофеöн, чöсмöдласны пöжасъясöн, шашлыкöн). Ярмарка дырйи позяс видлыны да донъявны, кутшöм пöжас медся чöскыд, мунасны «Няньлöн праздник — 2012» да «Мастер — зарни кияс» конкурсъяс.
Выставка-ярмарка котыртöны Кулöмдiн районса администрация, Коми республикаса видз-му овмöс министерстволöн районса юкöн, Кулöмдiнса администрация.
Выставка-ярмарка йылысь став юöр меститöма Кулöмдiн районса администрациялöн усть-кулом.рф официальнöй сайт вылын.
Содтöд юöр позьö тöдмавны районса администрациялöн экономика да вот юкöнын уджалысь специалистъяслысь 94-7-51 да 94-8-88 телефонъяс пыр.
Выставка-ярмарка нуöдöмкöд йитöдын, ноябр 2 лунö, пекничаö, нянь пöжалан заводын меститчöм видз-му овмöс рынок уджавны оз кут.