Сёрнитiсны туйяс вöчöм, дзоньталöм да кутöм йылысь. Кутшöм та кузя серпас районын, юöртiс районса администрацияысь туйяс кузя юкöнöн веськöдлысь В.Д.Шебырев. Асланыс котыръяслöн удж йылысь висьталiсны Коми республикаысь туй агентстволöн туйяс да посъяс вöсна кывкутан юкöнса начальник М.Д.Филиппов да «Туйяслöн Коми компания» котырлöн дöзьöр кутан юкöнса начальник В.П.Кочнев.
Депутатъяссянь да меставывса юралысьяссянь вöлi уна юалöм. Корисны, медым 2015 во кежлö туй агентство пыртiс аслас урчитöмторъясö Аныб-Кулöмдiн, Мыс-Немдiн-Кулöмдiн, Дзоль-Керчомъя-Кулöмдiн, Кырныша-Кулöмдiн, Пожöг-Кырныша, Зимстан-Улыс Воч-Вылыс Воч туй костъяс дзоньталöм.