Архив за месяц: Июль 2019

Июль коймöд лунö пасйим ГИБДД-ын уджалысьяслысь лун

Иван Степанович Лопырев Киров обласьтын Суводскса вöр овмöс техникумын велöдчöм бöрын весиг во эз уджав Пруптса да Кулöмдiнса лесхозъясын, кыдзи ёртъясыс ышöдiсны локны ГИБДД-лöн юкöнö. Эз бöрыньт и оз каитчы. Тайö кывкутана удж вылын 2004-öд восянь.

Читать далее

Юрсикт мичаммö водзö

Юрсиктлöн водзö вежсьö чужöмбан. «Гöгöртас лöсьöдöм» программа серти «Кулöмдiн» овмöдчöминлöн администрация олöмö пöртö куим бала. Июнь 19-öд лунсянь «Евро-Уют» котыр босьтчис нин выльмöдны Великöй Отечественнöй война вылын  усьöмъяслы пас. Сiйöс мöстилöалiсны. Лэдзисны Мам-героиня пас да ыстiсны выльмöдны. Дöрапас вылысь весаласны важ краскасö да мавтасны выльысь. Стелалöн, кытчö гижöма Великöй Отечественнöй война вылын усьöмъяслысь ним, вич да овъяс,  каркасыс пуысь, эжöма кöртöн. Сiйöс вöчасны выльöс, лоас дзоньнас сiмтöм кöртысь. Вежлаласны пас гöгöрысь потöм да жугласьöм плитаяс, сувтöдасны квайт выль лабич да сы мында жö  шыбласъяслы дозъяс. Югзьöдасны. Кык лампа  веськöдасны пасланьö, сы мындаöс жö пас дорö матыстчанiнö. Вöчасны дзоридзьяс пуктанiн. Тайö бала олöмö пöртны вичмис öти  миллион 426 сюрс шайт.

Читать далее

Велöдчис ачыс

Карса челядьлöн, дерт, эм унджык позянлун сöвмыны. Нуöдöны быдпöлöс кружокъяс, кöнi велöдöны мичаа серпасасьны, йöктыны да с.в. Пыдi сиктъясын  татшöмыс абу. Кодлöн эм сям да ыджыд кöсйöм, велöдчöны асьныс, интернет пыр.

Читать далее

Мунiс мамыслöн кок туйöд

Донысь Татьяна Непомнящая ичöтсяньыс нин мöвпалiс, мый быдмас да лоас мамыс моз жö гортса пемöсъясöс бурдöдысьöн. И кымын верстяммис, сымын ёнмис мöвпыс. Валентина Николаевна мамыс ветеринар, районса ветслужбаын уджалiгöн уна во тöждысис совхозса да сиктса олысьяслöн скöт вöсна. Уджыс бырис, но йöзыс велалöмвылысь пыр корлiсны видзöдлыны ли бурдöдны видзанторъяссö. Валентина Николаевна пыр дась вöлi петны лунын кöть войын. Аскöдыс тшöкыда босьтлiс и ичöтик на Татьяна нывсö (сэки сылы вöлi ар нёль-вит). Нывка чуймöмпырысь видзöдiс, кыдзи мамыс видлалiс пемöсъясöс, вöчис укол ли нöшта мыйкö. Сэсся ачыс кутiс вöзйысьны висьысь пемöсъяс дорö, здук кö сюрлiс, малыштлывлiс найöс — жалитiс. Мамыс бöрся вöтчылiс и ассьыныс мöсъясöс йирсянiнö вöтлiгöн да вайигöн. Радейтiс найöс ёна, кутлас-малалас вöлi бурпöт. Коркö быдмыштöм бöрын вöзйысис лысьтысьны. Сэсянь, ар 14-сянь, тырвыйö нин кужис дöзьöритны-идравны скöтöс.

Читать далее

Свежий выпуск: за 2 апреля