Июль коймöд лунö пасйим ГИБДД-ын уджалысьяслысь лун

[ A+ ] /[ A- ]

Иван Степанович Лопырев Киров обласьтын Суводскса вöр овмöс техникумын велöдчöм бöрын весиг во эз уджав Пруптса да Кулöмдiнса лесхозъясын, кыдзи ёртъясыс ышöдiсны локны ГИБДД-лöн юкöнö. Эз бöрыньт и оз каитчы. Тайö кывкутана удж вылын 2004-öд восянь.

— Медводз тöдмаси инспекторлöн уджöн. Кык лун велöдi административнöй закон, тöдмöдiсны, кыдзи лöсьöдны торкалысьяс вылö гижöдъяс. Коймöд лунас нин ыджыд сяма уджалысьяскöд ветлiм Зимстанö, кöнi пырöмсянь кыйим еджыд «Нива» машинаöн веськöдлысь код юра водительöс. Тыдалö, эз чайт, мый ылi посёлокö локтасны инспекторъяс, да повтöг петiс туй вылö. Сiйö кадö луннас уджалiс кык морта нёль экипаж, а öнi öти. Волывлiм районлöн быд пельöсö, — казьтывлiс уджын медводдза воськовъяс туйвывса патрульлöн службаысь инспектор Иван Степанович.

Быд лун уджö босьтчытöдз пытшкöсса делöяс кузя министерстволöн районса юкöнын чукöртчылiгöн туйвывса инспекторъясöс тöдмöдöны, кутшöм серпас районын, вошисны-ö йöз, техника, кодöс либö мый корсьöны да с.в. Пыр йитöдаöсь дежуритан юкöнкöд да туйвывса патрульлöн службаысь административнöй закон олöмö пöртöм бöрся видзöдысь инспекторкöд. Сувтöдiсны кö код юра водительöс, на пыр тöдмалöны, сюрлiс-ö сiйö водзтi, эм-ö вештытöм штрап. Сувтöдiсны кö велосипедöн мунысьöс, видзöдöны, абу-ö кык гöгыля гусялöмъяс лыдын. Смена чöж звöнитöны дежуритан юкöнын уджалысьяс, висьталöны став воöм юöръяс. Инспекторъяс видзö-дöны, мед и водительяс, и подаяс пыдди пуктiсны да кутчысисны урчитöмторъясö, сiдзжö тöждысьöны лöнь олöм вöсна.

Гижöд да снимок Марина Дадашовалöн. 

Комментарии:

Добавить комментарий

Свежий выпуск: 28 марта

Осторожно — мошенники!