Воторникын районса культура керкаын чукöртчылiсны «Коми войтыр» представительствоö пырысьяс.
Вужвойтырöн бöрйöм йöз кындзи вöлiны и республикаса да районса кывкутысь йöз. Республикаысь Госсöветса юралысьöс вежысь В.П.Марков, республикаын мортлысь правояс дорйöм кузя уполномоченнöй Н.Н.Быковская, туй агентствоöн веськöдлысь Э.В.Слабиков, «Монди СЛПК» котырлöн вöр вöчан службаöн веськöдлысь С.А.Архипенко да мукöд медводз вочавидзисны йöзлöн юалöмъяс вылö.
öтувъя чукöртчылiгöн сёрнитiсны районын «Коми войтыр» представительствоöн веськöдлысь Г.Е.Пашнина, районса администрацияöн веськöдлысьöс медводдза вежысь Е.А.Стяж-кина, висьталiсны, мый вöчöма йöзлöн корöм серти кольöм чукöртчылöмсянь, мый вылын уджалöны водзö. Районса олысьяс шыöдчылiсны асланыс майшöгъясöн, корöмъясöн да вöзйöмъясöн. Найöс пыртiсны чукöртчылöмлöн кывкöртöдö.