«Кулöмдiн» овмöдчöминлöн администрация кырымалiс Сыктывкарса «ЭлектроТех» котыркöд контракт, код серти сiйö нюжöдас Кулöмдiнса Аэропорт да Пятигорск костын ва провод.
Сiйöс нюжöдöм сетас позянлун кольчаавны кык ва провод, мыйысь содас ва сетан системаын давление да оз кут кынмыны ва, дзоньтасигöн позяс чинтыны ваысь торйöдöм керкаяслысь лыд.
Уджъяс нуöданiнö ноябр 24 лунö ветлiс районса юралысь Д.А.Шатохин. Сыкöд вöлiны «Кулöмдiн» овмöдчöминса администрацияöн веськöдлысь С.В.Рубан да «ЭлектроТех» котырысь инженер А.А.Гетьманов. Видзöдлiсны, кыдзи мунö удж, урчитöмторъясысь кежöм эз казявны.