Велöдiс 46 во

[ A+ ] /[ A- ]

Кулöмдiнса шöр школаын вöвлöм велöдысь Антонина Васильевна Сладкоштиевалы тырис 80 арöс.
Антонина Васильевна сетiс челядьлы тöдöмлунъяс 46 во. Водзмöстчис и общественнöй олöмын. Бур уджсö пасйисны СССР-ысь просвещениеса отличник пасöн да Знак почёта орденöн.
А.В.Сладкоштиеваöс нимöдны ыджыд юбилейöн тöдöмлунъяс лунö волiсны шöр школаса директор О.В.Пунегова да завуч О.В.Ульнырова, ветеранъяслöн райсöветса председатель Г.А.Кравченко да вöвлöм велöдысь Э.С.Лодыгина.

Садь лун
Сентябр медводдза лунö районса лавкаясын эз вузасьны курыдторйöн.
Тайöс вöчисны юöмкöд тышкасян районса программакöд йитöдын. Миян дорö сюртчисны Изьва да Лузаберд районъяс.
Но векжö сайд лунö пырöдчис эз быдöн. Кöнсюрö да вузасисны курыдторъясöн.

Выльысь ловзьöдöмсянь ― 18 во
Ульянаса Троице-Стефановскöй манастырлы выльысь ловзьöдöмсянь тырис 18 во.
Такöд йитöдын Енлы эскысьяс мунiсны крестöн Кулöмдiнса Петыр-Павел вичкосянь сэтчöдз, Кебанъёльö да Кужйö пыралöмöн. Праздник лунö манастырлöн Успенньö вичкоын нуöдiсны служба, кытчö волiс тшöтш епископ Питирим. Вöлi кыпыд концерт.

Збыльмöдöны йöзлысь корöмъяс
Лунвыв электрическöй сетьяслöн Кулöмдiнса юкöнысь уджалысьяс корöмъяс серти могмöдöны биöн районын выль керка кыпöдысьясöс.
Кулöмдiнса участокын уджалöны В.А.Кочановлöн да М.Н.Сенькинлöн бригадаяс. Выль стрöйбаясö би нюжöдöмысь кындзи, йöзлöн корöмъяс серти вежлалöны проводъяс, сюръяяс да с.в. Татшöм уджъяссö нуöдöны и мукöд участокъясын. Талун кежлö йöзсянь эм 15 корöм, кодъясöс бытьысь збыльмöдасны матысса кадö.

Югыдъягсакöд аддзысьлöм
Районса юралысь Д.А.Шатохин аддзысьлiс Югыдъягса олысьяскöд.
Югыдъягса юралысь В.И.Ау висьтасис аслас удж йылысь, мый вöчис бöръя нёль воöн. Сувтлiс и тырмытöмторъяс вылö. Посёлокса олысьяс юксисны майшöданаторъясöн, сетiсны юалöмъяс, кодъяс вылö вочавидзис Д.А.Шатохин. Индiс могъяс, кодъясöс пöртасны олöмö локтан воясын йöзлысь олöм бурмöдöм могысь.

Аныб сиктлöн тöждъяс да могъяс
Аныбын вöлi сиктса йöзлöн сход. Юралысь В.И.Панюкова вöчис вогöгöрся уджлы кывкöртöд, тöдчöдiс водзö вылö могъяс.
Районса юралысь Д.А.Шатохин тöдмöдiс Эжва йывлöн олöмöн да могъясöн. Висьталiс вöчöм удж йылысь Ручсянь райсöветса депутат А.И.Кулясов. Аныбсаяс корисны лöсьöдны телефона бур йитöд. Бöрыннас гажöдiс Иван Нестеровлöн «Пöлöзнича» сьылан котыр.

Комментарии:

Добавить комментарий

Свежий выпуск: 28 марта

Осторожно — мошенники!