— Миян республикаын бура лoсьoдoма финн-йoгра войтыр костын ёртасьoм. Миянoс пуктoны пыдди. Финн-йoгра войтырлoн VI-oд конгресс вылын войтыръяскостса консультативнoй комитетoн веськoдлысьoн квайтoдысь нин бoрйисны Владимир Петрович Марковoс, — Венгрияса Шиофок карысь локтoм бoрын висьталiс «Коми войтыр» котырлoн районса представительствоoн веськoдлысь Галина Егоровна Пашнина.
Коми паськoмo вoччoм ань уджалiс культура секцияын. Унатор тoдмалiс да босьтiс, мед пыртны уджo. Вoлi мыйoн ошйысьны и аслыс. Шoр библиотекаын бура лoсьoдoма коми кыв сoвмoдoм кузя удж: районса нималана гижысьяслoн да челядьлoн кывбуръясысь да висьтъясысь лэдзoны книгаяс, дискъяс. Сёрни мунiс и сиктъяс сoвмoмлы ыджыдджык тoдчанлун сетoм йылысь, oд оз кo ло сикт, бырас и чужан кыв. Шуисны водзo паськoдны финн-йoгра войтыр костын ёртасьoм, корсьны позянлунъяс аддзысьлыны тшoкыдджыка.
Галина Егоровна козинoн вайис уна книга, кодъясoс разoдiсны районса библиотекаясo.
Григорий Кожевинлoн снимок вылын: коми паськoмo вoччoм Г.Е. Пашнина (шoрас).