Ягкöджысь Вера Вениаминовна Синотова радейтö спорт, ышöдö таö и мукöдöс. Сы вылö видзöдöмöн и Виктор Сергеевич верöсыс пырöдчö спортö. Котралö лыжиöн, ворсö пызанвывса теннисысь, ГТО-öн урчитöмторъяс сдайтöмысь босьтлiс нин кыкысь медводдза места. Радейтö и волейбол, но айловъяслöн командаыс оз чукöрмы, сы вöсна нöшта прöст кадсö коллялö тшöтш жö шашкиöн ворсöмöн.

 — Водзтi и гортын верöскöд ворслiм шашкиысь, но сэсся сiйö кутiс дöзмыны, мый ме пырджык верма, — висьталiс Вера Вениаминовна. — Та вылö видзöдтöг аддзи öтуввезйысь шашкиöн ворсöм, кöнi позис ордйысьны сiдз шусяна виртуальнöй ворсыськöд. Тайö меным ёна кажитчис. Быд прöст здукö телефон сайын, пуксьыла и куим да нёль час асылын. Тадзи чöжа ворсан сям…
Водзö лыддьöй февраль 22-öд лунся газетысь.

 Алёна Ермакова.

 Снимок вылын Вера Вениаминовна да Виктор Сергеевич Синотовъяс.