Мортлöн меддонаыс — дерт жö, дзоньвидзалун. Колö ичöтсянь, томсянь видзны сiйöс, тöждысьны сы вöсна. Но оз на быдöн радейт ветлöдлыны врач дорад, кытчöдз висьöмыс вывтi нин оз топöд найöс. А медым сiйö другысьöн эз су, колö бытьысь прöйдитны диспансеризация да профосмотр, кодъяс отсаласны ас кадö эрдöдны гусьöн босьтысь сэтшöм нёрпалöмъяс, кыдз сакар диабет, пыкöса, сьöлöм да мукöд висьöмъяс. Кымын öд водзджык казялан найöс да босьтчан бурдöдны, сымын ыджыдджык позянлуныс мынтöдчыны наысь. Районса шöр бурдöдчанiнысь еджыд халата йöз талун ыджыд тöдчанлун сетöны диспансеризация нуöдöмлы, тöждысьöны йöзлöн дзоньвидзалун вöсна. Нуöдöны сiйöс уна во дорвыв нин, Россияын «Здоровье» национальнöй бала пыртöмсянь.

 — Кольöм воын, 2022-ын серти, диспансеризация дырйи эрдöдiм унджык висьöм, — тöдчöдiс районса шöр бурдöдчанiнысь шöр врачöс вежысь Светлана Ивановна. — Вермас лоны сiйöн, мый зiлим шымыртны сэтшöм йöзöс, кодъяс бурдöдчанiнö эз нин волыны кык да унджык во нин. Коралiм регистратура пыр налы торйöн звöнитчöмöн. Налöн дыр волытöгыд со и сюрöны гусьöн мунысь кутшöмкö нёрпалöмъяс. Выльöн казялöм сiйö жö сьöлöм, сакар, давленньööн висьöмъясöн майшасьысьясöс терапевтъяс босьтöны асланыс видзöдлас уланыс, пыкöса висьöмöн — онколог, лы-сьöм бурдöдö невролог. Эрдöдöм висьöмъястö быть колö бурдöдны ас кадö, мед эз пырны пыдöдз да вуджны пыр кадсяö, эз тшыкöдны, кыдз сакар висьöм, пытшкöсса мукöд юкöнъяс…
Водзö лыддьöй февраль 22-öд лунся газетысь.

 Галина НЕСТЕРОВА.

 Снимок гижысьлöн.