Уджалiсны öтув

[ A+ ] /[ A- ]

Февраль мöдöд лунö Пожöг вожын уджалiс пытшкöсса делöяслöн министерствоысь да сылöн районса юкöнысь 24 морта котыр.
Тыр арлыдтöмъяс вöсна кывкутысьяс кытшовтiсны видзöдлас улö веськалöм вит семьяöс, сёрнитiсны школаын бать-мамöс чукöртлiгöн да петкöдлiсны лёк котыръясö веськалöмысь видзöм йылысь кино. Республикаын нацгвардиялöн управлениеысь лицензионно-разрешительнöй удж нуöдан котыр видзöдлiс 32 вöралысьлысь 47 öружие. Экономикаын мыж вöчöмкöд тышкасян юкöн волiс Пожöгын вит да Кекурын 2 вузасянiнö. Казялiсны торкöмъяс да öнi видлалöны. Пожöгса культура керкаын йöзлöн чукöртчылiгöн сёрнитiсны общественннöй пöрадок видзöм кузя управлениеса начальник Ю.Ю.Дьячков да полицияса начальникöс вежысь А.В.Хлопин. Йöз юöртiсны «Боярышникöн» вузасьысьяс йылысь да корисны лöнь олöм вöсна тöждысьысьясöс волыны тшöкыдджыка. Федерациялöн мыж вештан службаса управлениелöн районын да полицияын юкöнъяс ветлiсны видзöдлас улö веськалöмъяс дорö. Туйвывса инспекторъяс лöсьöдiсны административнöй торкалöмъяс кузя 18 гижöд.
Кывкутысь йöз вочавидзисны юалöмъяс вылö, видзöдлiсны, кыдзи дасьтöны бöрйысигкежлö жыръяс.
Кольöм воын татшöм ыджыд котыр уджалiс вит овмöдчöминын, районса юкöнысь уджалысьяс ветлiсны 16-ысь.
Марина ДАДАШОВА.


Комментарии:

Добавить комментарий

Свежий выпуск: за 21 июня