Медводдза бöрйысьöм

[ A+ ] /[ A- ]

Носимысь Екатерина Сенькина (снимок вылын) велöдчö Кулöмдiнса шöр школаын 11 классын. Сылы 18 арöс, и ныв таво медводдзаысь мунас бöрйысьны. Со мый сiйö висьталiс:
— Ме дзолядырсянь ветлöдлi бöрйысьöм вылö мамкöд да сэки нин окота вöлi тöдны, кытчö да кыдзи колö пасйыны, кодöс бöрйыны. Весиг оз эскыссьы, мый таво ме ачым лоа бöрйысьысьöн. Бöрйысьöмыс зэв кывкутана, öд буретш миян сайын, кодi лоас странаса президентöн. Неуна полыштакодь, сэкжö сьöлöм вылын кыпыд. Чайта да, быдöнлöн гöлöсыс зэв тöдчана, и менам тшöтш, та вöсна март 18 лунö ставлы колö локны бöрйысьöмъяс вылö.
Екатерина — зэв водзмöстчысь морт, пырö сиктса том йöзлöн «Тулыс» котырö. Кыдзи висьталiс котырöн юрнуöдысь А.Кочанова, нывка быд уджын медводдзаяс лыдын, сiйö кö мыйкö кöсйысис, вöчас быть. Екатерина петкöдчö клубын нуöдан гажъясын, ёртасьö спорткöд.
Галина КЛЮЖЕВА.


Комментарии:

Добавить комментарий

Свежий выпуск: за 21 июня