Школалöн вермöмъяс

[ A+ ] /[ A- ]

Керчомъяса шöр школа 2016 воын пасйис 155 во тырöм. 2009 восянь директоралö Ирина Андреевна Кузнецова. Школаын 97 велöдчысь. На пиысь 33-öн велöдчöны бура, öти ныв сöмын «5» вылö. Коми кыв танi велöдöны кыдзи чужан кыв. Витлы сiйö содтöд велöдантор. Велöдчöм кындзи челядь туялöны ас му, лыддьысьöны, велöдчöны лоны библиотекарöн, кыдзи лоны дзоньвидзаöн, бура кутны асьтö, видзны вöр-ва, кыпöдны лов, дасьтыны балаяс. Найö сетчöмаöсь спортö, ёртасьöны ДЮСШ-кöд (котралöны лыжиöн да ворсöны теннисысь), челядьлысь енби сöвмöдан керкакöд (сэнi велöдöны водзмöстчысьясöс да видзны вöр-ва). Сiдзжö ветлöдлöны сьывны клубö.
Эмöсь водзмöстчысь, быдлаö сюртчысь, олимпиадаясын бура петкöдчысь челядь. На лыдысь öти — 10 классын велöдчысь Марина Тарабукина. Школалöн вермöмъяс
Вермылiс районса олимпиадаясын, республикаса тшупöд вылын бура петкöдчис экономика кузя олимпиадаын, велöдчö сöмын «5» вылö. Сiйö велöдчö и географо-биологическöй лицейын. Тшöкыда вермылö комиöн лыддьысьöм кузя ордйысьöмъясын. Татьяна Ваддорова велöдчö финн-йöгра юкöнын, пыдiсянь велöдö коми кыв.
Школалöн олöмö ыджыд пай пуктöны 9 класса велöдчысь Диана Тарабукина, Милена Самарина, Анастасия да Иван Поповъяс, Алексей Буторин. Анастасия велöдчö математика кузя лицейын. Алексей вермис математикаысь районса олимпиадаын. Кольöм велöдчан воын Екатерина Дежурова босьтiс 93 балл роч кыв кузя экзаменысь, 80-öс английскöйысь, Михаил Дудников — 83 балл роч кывйысь. Зарни медальöн помалiсны школа 2012 воын Наталья Тарабукина да 2017 воын Екатерина Дежурова.
«Челядьлöн республика» котыр отсасьö школалы и сиктлы. Юрнуöдö Ольга Валериевна Булышева.
Уджалö 20 велöдысь. Быд во петкöдчöны «Медбур велöдысь» вермасьöмын да пыр петавлöны бур боксянь пасйöмъяс лыдö. Татшöмъясыс Валерий Александрович Попов, Алексей Сергеевич Паньков, Надежда Степановна Тарабукина, Ирина Андреевна Кузнецова, Ольга Анатольевна Панькова, Любовь Васильевна Попова.
Петкöдчöны ордйысьöмъясын да пыртöны уна выльтор Эмма Ивановна Гудырева, Людмила Валентиновна Буторина, Ольга Валериевна Булышева, Светлана Владимировна Шаглеева, Людмила Николаевна Дежурова, Валентина Самуиловна Щипунова, Лидия Фёдоровна Булышева, Анна Андреевна Тарабукина, Валентина Васильевна Тарабукина.
Тшöкыда волывлöны школаö да сёрнитöны челядькöд водзтi велöдысьяс Мария Александровна Самарина, Анна Савельевна Морохина, Анастасия Ивановна Золотарёва, Вера Михайловна Гилева.
Галина КЛЮЖЕВА.


Комментарии:

Добавить комментарий

Свежий выпуск: за 8 ноября