Сетiсны сiйöс медся ыджыд сяма да дыр уджалысь водитель Николай Иванович Нестеровлы. Танi 17 во, а руль сайын ставсö матö 28 во. Сыктывкарса 20 номера профтехучилище помалöм бöрын уджалiс райпотребсоюзын да связьлöн районса юкöнын. Танi уджыс, дерт, кывкутанаджык, öд колö новлöдлыны висьысьясöс. И оз сöмын: ковмылö отсавны фельдшеръяслы кыскавны нöсилкаöн сьöкыда нёрпалысьясöс, мездыны туйвывса да мукöд лоöмторъясö веськалöм йöзöс. Кольöм воын на вотчигöн висьмöм мортöс петкöдiсны нюр шöрысь пидзöсöдз ваöд собöмöн.
Уджалöны сменаясöн. Коркö лöнь, а коркö и здук кежлö пуксьыны некор. Могмöдöны, юрсиктысь кындзи, матiгöгöрса сикт-посёлокъясын олысьясöс.
— Татшöм машинаыс миян коймöд нин. Öнiяыс торъялö сiйöн, мый лабичьяс пыдди лöсьыд пуклöсъяс, автоматика отсöгöн шоналöны двигатель да салон пытшкöс, медым кöдзыдъяс дырйи эз вош кад шонтыны машина. Машинаыс бур, мед найö лоасны и сикт-посёлокъясын, — висьталiс Н.И.Нестеров.
Гижöд да снимок Галина НЕСТЕРОВАЛÖН