1995 восянь уджалö Кулöмдiнса райвоенкоматын.
— Уджыс кöть уна, но меным воö сьöлöм вылö. Военкоматын кывкута дзоньвидзалун юкöн вöсна. Ме пыр мунöны ставöн: кодi медводдзаысь пасйысьö военкоматын, кодi кöсйö пырны военнöй училищеö либö уджавны контракт серти. Сёрнитча бурдöдчанiнкöд, кор бурджык сдайтны анализъяс, сэсся дасьта бурдöдысьяс дорö гижöдъяс. Сiдзжö пыра комиссияö, кодi урчитö армияö босьтöм. Зэв бур, мый ми вуджим мöд керкаö. Танi шоныд, югыд. Зонъяслы воддза моз оз ков сулавны бурдöдчанiнын висьысьяскöд öтлаын. Аддзöны кö кутшöмкö висьöм, ме дасьта гижöд, зонъясöс мöдöдам видлöдчыны водзö, бурдöдчыны. Тайö колö, мед армияö босьтан кад кежлö ми тöдiм, кутшöм категория вылö лöсялö. Кодi оз шогмы служитны, на вылö лöсьöдам торъя гижöд да мöдöдам республикаса комиссиялы, мед кывкöртöд вöчас сiйö. Бöръя кадö том йöз окотапырысь мунöны армияö. Буракö, сы вöсна мый öнi, мед пырны бур удж вылö, колö служитöм йылысь пасйöд. Сiдзжö ме комиссияса секретар.
Бур да дыр уджалöмысь нывбабалöн эм «Трудовая доблесть» да «Военнöй комиссариатлы 95 во» медальяс.
Гижöд да снимок Галина КЛЮЖЕВАЛÖН.