Мысысь Валентин Васильевич Паршуков 31 во нин тöждысьö пемöсъяслöн дзоньвидзалун вöсна.

[ A+ ] /[ A- ]

 Корлöны и Тимшерö, Лопъювадö да Немдiнö. Туйö петö подöн либö ас машинаöн, коркö да и велосипедöн, кодöс сетiс пемöсъясöс бурдöдан Кулöмдiнса станция. Каньясöс, понъясöс да гортса мукöд посни лолöс вайлöны и гортöдзыс.
— Ветфельдшерö велöдiс Немдiнса совхоз. Велöдчигкостi удж вылö босьтiсны мöд мортöс да лэччи Кулöмдiнса ветстанцияö. Сэки медшöр ветврач К.Е.Липина ыстiс Парчö. Кык тöлысь мысти лоис удж ас сиктын. Сэки уна скöт вöлi эз сöмын совхозлöн, но и йöзлöн. Сiдз 1986 воын ас овмöсъясын видзисны 180 мöс, уна порсь. 1992 воын совхозлöн юкöн пыдди лоис «Ленин туйöд» колхоз. Вöлi вит скöт карта, удж тырмылiс. 2000 воын колхоз бырис, ас овмöсъясын вöлi 150 гöгöр мöс. Öнi 20 гöгöр. Уджавлi ыджыд сяма Мария Егоровна Уляшевакöд да Тамара Семёновна Ермолинакöд. Волi районлöн быд пельöсö, тшöтш и Войвыв Уралса тундраö. Пыр велöдчам, — висьталiс В.В.Паршуков, кодлысь бур уджсö унаысь пасйылiсны почёт грамотаöн.
Гижöд да снимок Марина ДАДАШОВАЛÖН.


Комментарии:

Добавить комментарий

Свежий выпуск: за 11 октября