Олöмö зумыда нин пырис ньöбасигöн киö сьöм босьтлытöг вештысьöм. Кодкö вöчö тайöс банкса карточкаöн, кодкö — телефонын торъя приложение пыр, а кодкö — онлайн банк пыр. Быд во март 15-öд лунö мирын пасйöны ньöбысь-босьтысьлысь право доръян лун. Сюра вирус ыджыдалiгöн унаöн гортын пукалiгöн тайöс вöчны кутiсны тшöкыдджыка. Дерт жö, тайö ставыс кокньöдö олöм, отсалö вузасьысьяслы öдйöджык лэдзны ньöбасьысьöс коланатор босьтiгöн. Но та вöсна содiс сьöм воштöм да öтуввез пыр ылöдчысь вузасьысьяслöн лыд. Кыдз шуласны, ставсö ас вылад босьтöмöн ньöбан картина вылö видзöдöмöн збыль вузаланторсö аддзывтöг.
Колö торйöн лоны сюсьöн, öтуввезысь кыскыны лицензияа приложениеяс, кутны ки выланыд сöмын тöдса банкъяслысь карта. А öтуввезса магазинъясысь ньöбасигöн вештысьны торъя картаысь, кытчö водзвыв пуктыны сöмын колана мында сьöм. Портмонетын либö паспорт костын оз ков новлöдлыны карталысь бумаг вылö гижöм ПИН кодсö.
Асланым корреспондент.