Коми мортыд пыр радейтлiс, да и öнi оз öтдортчы любöй кадö вöрты кытшовтöмысь. Та вылö, майбыр, öнi унасикас ветлантор эм вузöсын. Со и мöвпыштiсны Помöсдiнса вöр-ва радейтысьяс видлыны асьнысö лым вывтi ветлан ичöт техникаöн да лызьöн ветлöмöн öта-мöдкöд вермасьöмын. Шуöма-вöчöма. Апрель тöлысся медводдза вöскресенньö мöдöдысь котыртлiсны гажа вермасьöмсö. Котыртысьнас, ышöдысьнас да медшöр нуöдысьнас лоины сиктсöветса депутат Михаил Анатольевич Шомысов да «Вöрса братство» котырысь водзмöстчысьяс.

100 вöв вына двигателя снегоходöн ветлысь пöвстын медводзын лои Помöсдiнысь Виктор Игоревич Карманов, мöдöн — татысь жö Артём Михайлович Шомысов да коймöдöн – юркарысь Александр Александрович Жданов.
60 вöв вына двигателяяс снегоход радейтысьяс костын местаяссö юкисны тадзи: медводзын лои юркарысь Егор Васильевич Ивашев, мöдöн – Скöрöдумысь Дмитрий Васильевич Липин да коймöдöн – Помöсдiнысь Павел Анатольевич Уляшев.
Мотобуксировщикöн медтэрыба мунiс Мöдлапöлысь Илья Николаевич Мингалёв, мöдöн – сэтысь жö Михаил Николаевич Игнатов да коймöдöн — Помöсдiнысь Андрей Егорович Жангуров.
«Буранöн» медтэрыба петкöдчисны да юкисны медводдза места Руслан Егорович Карманов да Вячеслав Александрович Напалков, неуна колис наысь Иван Николаевич Игнатов да коймöд места шедöдiс Александр Иванович Чисталёв. Ставныс помöсдiнсаяс.
Лямпаöн медсюся котöртiс Скöрöдумысь Александр Иванович Чисталёв, мöдöн лоиВыльгортысь Николай Николаевич Карманов да коймöдöн – сэтысь жö Сергей Александрович Ткачук.
Вермысьяслы быдöнлы вичмис дона козин.
Гаж котыртысьяс корöны мöд во видлыны ассьыныс вынсö аслыссяма вермасьöмын и мукöд сикт-грездсаöс.
Михаил Шомысов.
Снимокъяс гижысьлöн.