Биöн сотöм кöрыс татчöдз воыштлö,
Гашкö, Украинасяньыд да?
Тулысланьыд лöсялö да колыштö
Эськö дзоридз либö чöскыд ма.

Дзоридзалас, дерт, и Украинаын
Яблоня и миян моз жö льöм,
Сöмын сэнi дыр на, кöнкö, виалас
Йöзсö война вылö юкöм сьöм.

Делöыс кö сöмын «незалежнöйын»,
Да öд ставсö гартö США.
НАТО-кöд Россия вылö вежалö,
Тадз жö лоö водзö вылö на.

Миянлы дзик некыдз оз позь сетчыны,
Вермыны — со кутшöм миян мог.
Водзö кутам шондiсьыс водз чеччыны,
Сöмын кутам овны век ас ног.

Василий ЛОДЫГИН.