Мый йылысь ме талун кута висьтасьны, ме чайта майшöдлö унаöс. Кывзам кö радио либö видзöдам телевизор, джын кывйыс быттьö тешкодьöн кажитчö. Тайö выль кывъяслöн (неологизмъяслöн) юргöмыс миянлы тшöкыда оз во сьöлöм вылö. Но! Олöмыс вежсьö, корö пыртны выль кывъяс. Таво весиг сюравирус кыв лоис думыштны. А кутчысяс оз любöй выль кыв сёрниö да гижöдъясö, тайö нин миян сайын.
Гашкö, миян сёрниö пысасясны татшöм выль кывъяс: ГЫКУТАН — антенна, ВУНДАС — лента, ТУЙДÖДЫСЬ – консультант, ЮРКОБУВ — зонт, зонтик, ГОРТКÖЧ – кролик, ГÖРДВИДЗНЫ — краснеть, ЯМКЕРКА — вокзал, ЮРМОРТ — президент, МЕСАЙ — хозяин, МОРТВУЖ — человечество, МОРТСЯМ — гуманность, МОРТПАС — личное дело, ЛОВБИ – вдохновение, ЛОВРУ — настроение, КЫВБУРАЙ — поэт, РАДИОПЕЛЬ — наушники, РАКНОП — рюкзак, САРАНЬ — царица, САРПИ — царевич, СЬÖЛÖМПÖТ — духовные потребности, СЬÖМВÖЧЫСЬ — бизнесмен, ЧУЖÖМПАС — портрет.
Код тöдас спортын вужъясясны оз КОКСЯР – футбол, КУДСЯР – баскетбол, ТЫВСЯР — волейбол, ПЫЗАНСЯР — настольный теннис кывъяс. Быттьöкö эськö и мичаа юргöны да, дзик тешкодь тадзисö сёрнитныыд. Вай коксярысь ворсыштам (вак-вак-вак)…
Водзö лыддьöй февраль 11-öд лунся газетысь.
Жанна Сизева.