Гожöмлы письмö
Бöрö кольöм гожöмöй! Талунъя тöвся рытö пукси со гижны тэныд письмö. Тшöкыда дум вылö усьлö öти тöдчанатор. Ставсö ме тэныд и гижа.

Öти гожся зэра рытö ми ёрткöд мöдiм чери кыйны. Данил оз радейт чери кыйны, сы вöсна сiйö нинöм эз босьт аскöдыс зонтик кындзи. А ме дождевика. Киын спинингöн да пара-мöд блеснаöн мунi ты дорö, мöвпалi сир йылысь. Унаысь нин ветлi сир кыйны, но некор на эз пысасьлы. Сёрт ты дорö воöм мысти нюжöдi спининг да шыбитi берег пöлöн. Медводдза жö шыбитчигас кутi вайöдны ас дiнö блеснасö. Месянь приманкаöдз колис метра, но друг быттьö кыскыштiс менсьым киöс. Дыр думайттöг кыски береглань. Тайö вöлi дзоляник сирпи. Ме вöлi дзик рад, мый сiйö меным шедiс медводдза заброссянь. Шыблалi сiйö местаас ещö час джын кымын. Зэр кисьтiс ведраысь моз. Даниллы шуи, мый куимысь ещö шыбитла. Мöд шыбитöмас шедi ещö öти сирпи. Тайö кык сирыс вöлiны медводдзаяс менам олöмын. Гортö локтi брöдваöн, зато чериöн.
Аттьö таысь, дона гожöм! Виччыся локтан гожся кад. Дерт, лоан тэ дзик мöдпöлöс. Но эска, мый и сэки лоас мыйкö сэтшöмтор, мый пуксяс сьöлöмö да коляс вежöрö нэм кежлö.
Тэнö казьтылöмöн Богдан.
2020 вося öшым тöлысь.
Богдан Лажанев.
Скöрöдум.