Февраль 5-öд лунö районса администрацияын сёрнитiсны шыблас чукöртöм да нуöм йылысь.
Волiс «Региональный оператор Севера» управлениеса директор Дмитрий Витальевич Поповцев, вöлiны районса юралысь — районса администрацияöн веськöдлысь Сергей Владимирович Рубан, сiйöс вежысь Василий Витальевич Бадьин, региональнöй операторлöн районса юкöнöн веськöдлысь Василий Дмитриевич Напалков, асшöр уджалысьяс да мукöд. Онлайнын чукöртчысьяскöд сёрнитiс энергетика, жилищно-коммунальнöй овмöс да тариф министрöс вежысь Анна Михайловна Тюрнина. Буретш асшöр уджалысьяс шызисны, кор кольöм во помын юöртiсны шыблас улö вит контейнер лöсьöдöм йылысь, а таво шемöсмöдiсны январын воöм квитанцияын шыблас чукöртöмысь донъяс. Сёрнитöмöн воисны öти кывйö — сувтöдны кык контейнер, öтисö кос, мöдсö уль шыблас улö.