— Кулöмдiнын Ленинлöн улича вылын нюжöдiсны канализация визь, öнi шыльöдöны керка костъяс. Урчитöма эштöдны сентябрöдз. Колö-ö патера кутысьяслы чукöртны документъяс, кытчö шыöдчыны, мед йитчыны визьö? — юасьöны олысьяс. 
Вочавидзис районса администрацияöн веськöдлысьöс вежысь В.В.Бадьин: 
— Патера кутысьяслы колö чукöртчывны да сёрнитны, мый найö кöсйöны, мед налöн вöлi канализация, да керкалöн техническöй паспортö вежсьöмъяс пыртöм да йитчöм кузя балаяс лöсьöдöмысь дасьöсь вештысьны. Сiдзжö колö быд керкаысь бöрйыны кывкутысьöс, кодi чукöртчöм вылын лöсьöдöм гижöдöн шыöдчас районса администрацияö, кодi сетас йитчыны лэдзöм кузя гижöд. Сiйö сiдзжö шыöдчас «Кулöмдiн» овмöдчöминлöн администрацияö, мед босьтны керкаö вежсьöмъяс пыртöм кузя сёрнитчöм йылысь гижöд. Та могысь кывкутысьлы колö гижны шыöдчöм. Вайны олысьяслысь патера вылö, пасйöма кö сiйöс государстволöн реестрын, документъяс либö налысь копияяс, керкаö вежсьöмъяс пыртöм кузя лöсьöдöм бала. Районса администрация вöзйö шыöдчыны балаяс дасьтысь «Торг Проект» котырö. Колö вайны и овмöдчöминса администрациялöн кöртымалöм патераясын олысьяссянь, весиг кодъяс сэнi пасйысьöмаöсь, но оз овны, гижöд, мый найö йитчасны визьö. 
Канализация сюйöмöн олысьяслы ковмас патераяс вылö лöсьöдны выль техническöй паспорт. 
Марина ДАДАШОВА.