Пармаысь петöмöн 

[ A+ ] /[ A- ]

Июль 21 лунö районса администрацияöн веськöдлысьöс вежысь В.В.Бадьин 90 арöс тырöмöн пöся чолöмалiс да сетiс Россияса президент В.В.Путинсянь чолöмалан гижöд Кулöмдiнысь Мария Дмитриевна Ногиевалы. Ань чужис да быдмис Пармаын. Сылы вöлi 13 арöс, кор пансис война. 18 арöсöн пырис колхозö. Батьсö мыждылiсны, нулiсны Воркутаö, но недыр мысти лэдзисны. Кöть и ёна висис, мырдöн тшöктiсны уджавны. Ёна кыйсис да том ныв пöткаясöс лэччöдлiс юрсиктö. Мария Дмитриевна Иван Михайлович верöсыскöд быдтiс да олöмö петкöдiс куим челядьöс. Ань бригадиралiс колхозын, 25 во вузасис Пармаса лавкаын, ставсö уджалiс 40 во. 1988 воын верöсыслы сетiсны Кулöмдiнысь бур оланiн, кытчö и вуджисны. Верöсыслöн кулöм бöрын 11 во нин öтнас. Сы вöсна тöждысьöны Валентина да Иван, волö и Нина, кодi олö республикаысь бокын. 
Олöма аньлы чужан лунö пöсь кывъяс сiдзжö висьталiсны «Кулöмдiн» овмöдчöминса администрацияöн веськöдлысьöс вежысь В.П.Нестеров, олöмаяслöн Кулöмдiнса, Кулöмдiн сельпоса да вöвлöм райпотребсоюзса котыръясöн юрнуöдысьяс В.П.Нестеренко, Н.В.Тесленко да А.А.Попова, матыссаяс да рöдвуж. 
Гижöд да снимок Марина Дадашовалöн.

Комментарии:

Добавить комментарий

Свежий выпуск: 28 марта

Осторожно — мошенники!