— Тiян районын бура котыртöма кокньöдъясöн вöдитчысьясöс пескöн могмöдöм. Зэв бур, мый содö чужысьяслöн лыд. Мукöд район серти унджыкöн босьтöны челядь вылö пособие. Унаöн жö шыöдчöны регионса мам капитал босьтöм могысь коймöд кага вайöм бöрын. Районса быд нёльöд морт вöдитчö кутшöмкö да социальнöй кокньöд- öн, — пасйис социальнöя сöвман республикаса агентствоöн веськöдлысьöс вежысь Лариса Ивановна Мищенко, кор волiс районö да кытшовтiс Пожöг вожса сиктъяс.
Видзöдлiс вужвыйöн дзоньталöм Пожöгса участкöвöй бурдöдчанiн. Пыравлiс Пожöгдiнса да Великопольеса фельдшерско-акушерскöй пунктъясö. Тöдмасис олöмаяслöн да вермытöмъяслöн керкалöн тöжд-могъясöн. Посёлокын видзöдлiс школалысь да садлысь велöдчан во кежлö дасьлун. Ярашъюса клубын аддзысьлiгöн тöдмöдiс олысьясöс социальнöя сöвман агентстволöн тöжд-могъясöн, вочавидзис юалöмъяс вылö.
Марина Дадашова.
Авторлöн снимок вылын: Л.И.Мищенко (шöрас) да йöзöс социальнöя доръян шöринöн веськöдлысьöс вежысь А.А.Зезегова олöмаяслöн Ярашъюса керкаын олысь Г.Е.Пановакöд.