Кулöмдiнысь Александр Михайлович Кипрушев велöдчис Сыктывкарса медколледжын фельдшерö. Сэсся помалiс Кировса медицинскöй академия, лоис врач-терапевтöн. Локтiс уджавны ас районö, Югыдъягö. Матö во нин сэнi бурдöдö йöзöс, вермытöмъяс дорö волö гортöдзыс. Быд тöлысь ветлö видлыны Канаваса, Белоборскса да Смолянкаса олысьясöс. Августсянь могыс содiс: индiсны нöшта веськöдлыны больничаöн. Но таысь ёна оз майшась: уджавны ыджыд сямлуныс да кöсйöмыс отсалöны венны став сьöкыдлунсö.