Дарина Попова, кодöс тi аддзанныд снимок вылысь — студентка, медводдза во велöдчö Сыктывкарса госуниверситетлöн гуманитарнöй наукаяслöн институтын. Дарина ичöтсянь гижö кывбуръяс, йöзöдчö «Парма гор», «Би кинь», «Войвыв кодзув» газет-журналъясын, гижöдъясыс петавлiсны том гижысьяслöн öтувъя книгаясын. Кулöмдiнса шöр школаысь öкмысöд класс помалöм бöрын пырис велöдчыны Коми республикаса юралысь бердын искусствояс гимназиялöн театральнöй юкöнö. Велöдчигмоз ветлöдлiс спектакльясöн Россия пасьта, петкöдчылiс уна карлöн сцена вылын.

Гимназия помалöм бöрын Дарина водзын артмис туйвеж — водзö велöдчыны артистка вылö либö йитны олöмсö филологиякöд, кывбуръяскöд да висьтъяскöд. Сувтiс филология вылö. Экзаменъяс сдайтiс медбуръяс лыдын: коми литератураысь босьтiс медуна -100 балл.
— Университетын велöдчöм — абу гортын мам борд улын олöм, — висьталiс Дарина, — Но ме тöдса нин татшöм олöмнад, öд кык во велöдчи гимназияын, гортысь бокын. Но университетыд абу и гимназия — некод тэ бöрся оз видзöд, мед ставсö вöчин лючки-бура, оз верд. Ставсö колö вöчны аслыд, петны кага руысь да овны мöвпалöмöн, сувтны верстьö туй вылö.Эштiс медводдза сесия, кодöс сдайтi бура. Став студентöс чолöмала студентъяслöн Татьяна лунöн.
Алексей КОРЕЦКИЙ.
Снимок вылын: Дарина Попова (шуйгавывсянь мöд) студент-ёртъясыскöд.