Январ 21 лунö районса уджöн могмöдан шöринын зiльысьяс кайлiсны Улыс да Вылыс Вочö.
«Гöгрöс пызан» сайын чукöртчылiсны «Улыс Воч» овмöдчöминöн веськöдлысь Н.Ф.Морохин, «Оз тусь» садйöн веськöдлысь Н.А.Ветошкина, Вочса шöр школаысь директор Ж.В.Ревеняла. Шöринса уджалысьяс тöдмöдiсны 2015 во вылö уджöн могмöдан районса программаöн, вöчисны 2014 воын удж сетысьяслöн да шöринлöн öтувъя уджлы кывкöртöд. Шöринса директор М.Х.Савицкий висьталiс, мый овмöдчöминса олысьяслы колö аслыныс мöвпыштлыны пенсия вылö петан урчитöм стаж йылысь. Позьö восьтны ассьыныс делö, шуам, котыртны крестьянин овмöс.
Шöринысь юрнуöдысь инспектор Л.Е.Фильчагина тöдмöдiс, кыдзи могмöдiсны уджöн тыр арлыдтöмъясöс кольöм вося гожöмын, казьтыштiс, мый удж сетысьяслы быть колö кутчысьны законöн урчитöмторъясö.
Торйöн сёрнитiс, мый ёна колö уджавны школаын, мед туйдыны челядьöс бöрйыны удж позянлунъяс да коланлун серти.