Волiсны Финляндияысь, Эстонияысь, Мордовияысь, Удмуртияысь, Кудымкарысь, Ханты-Мансийскöй да Ямало-Ненецкöй автономнöй кытшъясысь том йöз, матö 120 морт. Олiсны куим лун. Помöсдiнсаяс овмöдлiсны найöс ас дораныс. Уджалiсны куим пельö юксьöмöн: видлалiсны финн-йöгра войтыръяслысь майшöдланторъяс, сёрнитiсны вöр-ва видзöм, экономика ёнмöдöм, чужан кыв да важ оласног кутöм йылысь, велöдчисны дасьтыны балаяс. Кудымкарсаяс петкöдлiсны культура керкаын чукöртчысьяслы и помöсдiнсаяслы «Стая» ворсöм. Волысьяс тöдмасисны комияслöн оласногöн, велöдчисны нистыны-печкыны вурун, кысьыны, ворсны шегйöн. Рытъяссö быд войтырö пырысьяс колльöдiсны асланыс оласног серти, пукалiсны ыджыд бипур дорын. Бöръя рытын вöчисны куим лунся уджлы кывкöртöд.