Декабр 3 лунö пасйисны вермытöмъяслысь ставмирса лун.
Республикаса бöрйысян комиссияяс сетöны ыджыд тöдчанлун бöрйысьöмъяс дырйи вермытöмъяслысь правояс могмöдöмлы. Сентябр 14 лунö республикаса юралысьöс бöрйöм бöрын районса бöрйысян комиссия нуöдiс вермытöм бöрйысьысьяс пöвстын юасьöмъяс. Юасьысьяс пиысь 21 процентыс асьныс волiсны бöрйысян участокö, 79 процент гöлöсуйтiсны гортас. Юöртiсны, мый бöрйысян участокъясö волiгöн эз вöв некутшöм сьöкыдлун ни мытшöд. Бöрйысьöмъяс йылысь юöръяс тöдмалiсны бöрйысян комиссияясын уджалысьяссянь, газетъясысь да с.в.
2015 вося сентябр 13 лунö кутасны бöрйыны депутатъясöс Коми республикаса Госсöветö да «Кулöмдiн» муниципальнöй районса Сöветö. Районса бöрйысян комиссия декабр 10 лунö нуöдö вермытöм бöрйысьысьяслы телефона «веськыд йитöд». Верманныд звöнитны 11-сянь 12 часöдз 94-042 телефон пыр да сетны майшöдлан юалöмъяс.