Декабр 4 лунö районö волiс видз-му овмöс да сёян-юан министерствоысь скöт видзöм кузя юкöнса начальник Владимир Иванович Папырин.
Татчöс юкöнса начальник А.Р.Яровакöд да специалист Г.Д.Матвиевскаякöд кытшовтiс «Пожöг» да «Помöсдiн» кооперативъяслысь скöт картаяс. Аддзис, мый мöсъяс пöтöсь, найöс вердöны вына кöрымöн, эм тырмымöн турун. Велöдiс, кыдзи содтыны тöлын йöв лысьтöм. Видзöдлiс и Пожöгдiнын кыпалысь да Скöрöдумын выльмöдöм картаяс.