Искусствояслысь училище помалöм бöрын хормейстералiс В.Я. Гущинлöн «Эжваса дзоридзьяс» сьылан котырын да районса культура керкаын. /ттшöтш велöдчис профсоюзъяслöн Санкт-Петербургса государственнöй гуманитарнöй университетын. Сылöн «Рябинушка» котыр 15 во гажöдiс районса олысьясöс, шедöдлiс «народнöй» ним. Ева Васильевналöн ичöт да шöр арлыда «Весенняя капель» котыръяс. Шöр арлыдаяс гажъяс вылын пыр медбуръяс лыдын. Мöдöн лоис республикаса «Весенние ритмы» гажын. Томъяс пöвстысь Диана Сенькина лоис вермысьöн республикаса «Северная околица» да ставроссияса «Венок дружбы» конкурсъясын, босьтiс гран-при енбиа челядьлöн районса гажын. Диана Сенькина да Анастасия Артеева лоисны мöдöн «Весенние ритмы» гажын. Е.В.Сенькина во уджалö и томъяскöд, ышöдö-велöдö оз сöмын сьывны, но и вöчны культура юкöнын мукöдтор.

Бур уджысь республикаса культуралöн министерство Е.В.Сенькинаöс пасйис почёт грамотаöн.
Марина Дадашова.