Регыд на донъялiсны гигиена да эпидемиология кузя республикаса шöринлöн районса юкöнлысь удж. Волiсны Москваса специалистъяс. Донъялiсны вылö. Таын ыджыд пайыс общöй гигиена кузя врачлы отсасьысь, вылыс категорияа специалист Полина Ивановна Матвеевалöн, кодi тайö службаын 34 во.
— Миян мог — видзны, мед эз паськавны вуджан висьöмъяс, велöдны школа-садъясын, сёян-юан юкöнъясын уджалысьясöс, ваöн могмöдысьясöс. Налы колö тöдны санитарнöй правилöяс, санитарнöй законö пыртöм вежсьöмъяс да пöртны найöс олöмö, — пасйис П.И.Матвеева.

Юкöнлöн лабораторияын видзöдöны му да ва, видз-му овмöс котыръясын вöчöм вöлöга, мортлысь став анализ да с.в. Гожöмын, кор школаяс бердын воссясны челядьöс видзанiнъяс да ёнмöдчанiнъяс, видзöдласны, мед ставыс лöсялiс корöмъяслы. Велöдасны челядьöс видзысьясöс да донъяласны тöдöмлунъяс, мед ставыс лоас бур.
Гижöд да снимок Марина Дадашовалöн.