Апрель панасын полицияса прапорщик Александр Васильевич Кичун (снимок вылын) Зимстан дорса Прупт ю вылын кыйис чери да казялiс, кыдзи мöдöд класса велöдчысь Василий Гичев ёртыскöд петiсны вöсни йи вылö. Öлöдiс, мый танi абу ворсанiн, тшöктiс мунны, но найö эз кывзыны. Вöсни йи эз кут да зонка веськалiс берегдорса восьсаинö. Ён визув Василийöс öдйö кутiс кыскыны йи улö да сiйö босьтчис горзыны. Александр Васильевич кылiс,да уськöдчис отсавны. Юрас бергалiс: «Мед эськö удита, мед эськö удита». Перйис да колльöдiс гортас. Ёна и аттьöлiсны Василийлöн мамыс, ыджыд мамыс, посёлоксаяс.

Повтöмлунысь да дорйöмысь видзчысьтöм лоöмторъяс кузя республикаса министерство А.В.Кичунöс пасйис почёт грамотаöн.
Пытшкöсса делöяслöн юкöнын Александр Васильевич 1996 восянь. 2004 восянь уджалö Воч вожын, видзöдö Зимстан, Лöгинъяг, Воч, Дзоль, Климовск, Фроловск, Габов бöрся. Тöдмöдiс накöд и сэнi олысьяскöд участокса выль уполномоченнöй А.В.Мигушевöс да öнi отсасьö сылы. Тшöкыда кытшовтöны öтлаын. Зимстанын эм уджалан жыр, кытчö йöз локтöны да шыöдчöны оз сöмын элясьöмöн, но и бурöн. Йöз вöсна тöждысьясьяс кывзöны да отсалöны быдöнлы.
Марина ДАДАШОВА.