Кыдзи и том дырйи, пыр на видзöдöны öта-мöд вылас радейтана синъясöн, пыр на шуалöны öта-мöдыслы шоныд да мелi кывъяс. Сордйылысь Вениамин Иванович да Дина Николаевна Поповъяс öтлаын 60 во. Эз кус öта-мöд дорö муслун да радейтчöм, а мöдарö ёнмис.

— Батьöй служитiс сизим во. Война, война бöрся кад. Отпускö волiгöн и тöдмасис мамкöд, локтöм бöрас öтлаасисны. Вöлi кусöдчысьöн, серпасасис Помöсдiнса культура керкаын, веськöдлiс Сордйывса клубöн. Мам лысьтысис колхозын да совхозын. Ми, нёль челядь, некор эг кывлöй пинясьöм-вензьöм, пыр аддзим öта-мöднысö радейтöм, пыдди пуктöм, гöгöрвоöм. И öнi на сiдзи, — бать-мам йывсьыс висьталiс Алёна Вениаминовна нылыс.
Вениамин Ивановичлы августын тырас 87 арöс. Быд асыв вöчö зарядка. Диана Николаевналы 80 арöс. Ветлöны подöн лыжи беддьöн йöткасигмоз. Горт овмöс бергöдöны асьныс. Тöждöн да радейтöмöн найöс кытшалöны нёль челядь, сизим внук-внучка да нёль правнук.
Гижöд да снимок Марина Дадашовалöн.