Сентябрын лоас 24 во, кыдз тулыс-арын велосипедöн, тöлын подöн Сордйывсянь Помöсдiнöдз воöдчö Валентина Леонидовна Попова. Лым кöть зэр газет-журналъяс ыджыд нопйöн тэрмасьö Помöсдiнса олысьяс дорö.
-Помöсдiнын ёна на судзöдöны газет-журналъяс. И томыс, и олöмаыс. Медся унаöн лыддьöны «Парма гор» да «Трибуна» газетъяс. Пыр казьтывла сиктсаяслы, кор воö гижöдан кад. Да и асьныс олысьяс звöнитöны либö паныдасигöн висьталöны, кутшöм газет либö журнал кöсйöны лыддьыны. Бать-мам велöдöны лыддьысьны дзолясянь и челядьнысö, сiдзжö судзöдöны налы быдсикас газет-журнал, — сёрнитiс ань.

Нель-вит часöн бергöдö удж. Пенсия разöдан лунö дырджык. Почтальонöс чай ютöг оз лэдзны, висьталасны олöм-вылöмсö, велöдыштасны и. Валентина Леонидовналы удж сьöлöм серти, пыр йöз пöвстын. Сiйöс виччысьöны быд кераын.
Марина Дадашова.
Авторлöн снимок вылын: «Парма гор» газетса главнöй редактор Лидия Липина сетö Валентина Поповалы районса газет вылö гижöдчан удж бура нуöдöмысь козин.