Веськöдлö сыöн Екатерина Ивановна Мишарина.
— Медводз висьтала зэв ыджыд аттьö асланым велöдысьяслы, кодъяс лэптöны миян дорын быдмысь спортсменъясöс, а, сiдзкö, и ставнас районöс, вылi тшупöдъяс вылö, — висьталiс Екатерина Ивановна.
Ачыс Е.И.Мишарина спорткöд йитöда ичöтсяньыс, торйöн нин волейболöн ворсöмкöд да лыжиöн котралöмкöд. ДЮСШ-ын жö уджалö батьыс — Иван Георгиевич Мишарин. Иван пиыс, кодi велöдчö 11-öд классын да радейтö котравны лыжиöн, школа помалöм бöрын кöсйö пырны СГУ-са физкультуралöн факультет вылö.

— Зэв эськö вöлi бур, велöдчöм бöрас кö бергöдчис миян спортшколаö, сы вöсна мый ёна колöны лыжиöн котралöм кузя тренеръяс. Районын, торйöн нин Кулöмдiнын, том йöз ёна ёртасьöны спорткöд, петкöдчöны районса да республикаса ордйысьöмъяс вылын, пыр локтöны медальясöн, кубокъясöн да дипломъясöн. Сiдзкö, уджалам ог весьшöрö, таысь зэв долыд, — кывкöртiс Екатерина Ивановна.
Гижöд да снимок Алексей Корецкийлöн.