Декабр 13 лунö Ыбын этнокультурнöй паркын Тöвся Ыбица гаж вылын вöчисны журналистъяслöн «Признание» конкурслы кывкöртöдъяс.

«Признание» вылö ассьыныс уджъяс мöдöдлiсны и «Парма гор» газетса журналистъяс. «Районса газетъясысь журналистъяслöн уджъяс» номинацияын вермысьяс лыдын миян корреспондент Марина Дадашова. Ассьыныс призъяс вичмöдiсны и министерствояс да котыръяс. «Парма гор» газет лоис мöдöн республикаса национальносьт министерствоöн котыртöм «Ми — öтув» конкурсын, кöнi донъялiсны войтыръяс костын ёрта йитöдъяс, мукöд национальносьта йöзöс петкöдлöм, коми кывъя газет лэдзöм.