Улöс, пызан, камод…

[ A+ ] /[ A- ]

Меным сетiсны зэв нин важся кык снимок. Öтиас эськö зэв унаöн снимайтчöмаöсь, мыш саяныс — удж выланыс вöчöмторъясыс: уна пöлöс улöсъяс, пызанъяс, тыдалö джаджъяса камод. Мышкас гижöма, мый снимайтчöмаöсь 1958 воын райпромкомбинатын уджалысьяс. Лыддьöдлöма сöмын нимъяснас: Толя, Витя, Прокопий, Афанасий, Миша, Иван, Ким, Женя, Вася, Володя, Иван Александрович, Федя, Миша Кистёв, Зина, Агния, Аня, Нида. Но газетö йöзöдны оз шогмы, снимокыс сьöд, омöля тыдалöны чужöмъясныс.

А со видзöдлöй мöд снимок вылас, кöнi вель жö уна йöз, 1959-öд воын снимайтчöмаöсь райпромкомбинатын уджалысьяс. Лыддьöдла гижöдсьыс: Владимир Гиляздинов, Игнат Кулажин, Владимир Петрик, Фёдор Худяков, Анатолий Рассыхаев, Виктор Бердицевец, Геннадий Липин, Анатолий Кирушев, Виктор Погорелов, Иван Ногиев, Анна Оплеснина, Юлия Ракина, Агния Тюрнина, Альбина Кузнецова.

Райпромкомбинатыс вöлöма Кулöмъю бокын, сэнi вöчлöмаöсь быд сикас эмбур: улöс-пызан, камод-крöвать, бöчкаяс да мукöдтор. Йöз висьталöм серти, сэнi уджалöмаöсь и вурсьысьяс, кöмкот вурысьяс. Но райпромкомбинат йылысь паськыдджыка тöдмавны эг вермöй, сы вöсна мый ёнасö некод нин оз помнит. Весиг веськöдлысьяссö висьтавны эз кужны. Та вöсна и кори редакцияöс йöзöдны снимоксö. Абуöсь кö нин уджалысьясыс, чайтам, эмöсь на налöн семьяысь ныв-пиыс, рöдвужыс, суседъясыс, тöдсаясыс. Вермас лоны, мый и сэкся вöчöмторъясыс öнöдз колисны гортаныс, видзöны дона казьтыланторъяс пыдди.

Водзвыв висьтала сё пасибö налы, кодъяслы абу веськодь миян чужанiнным да отсаласны восьтыны Кулöмдiнлöн историяысь нöшта öти лист бок.
Нина Буткина.
Гижысьлöн снимок вылын райпромкомбинатын уджалысьяс. 1959 во.

Комментарии:

Добавить комментарий

Свежий выпуск: 1 марта

https://www.gosuslugi.ru/help/faq/mobile_election/2100910

Осторожно — мошенники!