Тайö кывъяссö ме лыдди Евгений Егорович Уляшевлöн «Окота овны» кывбурысь. Кутшöм стöча мöвпалöма гижысьыс. Да, да. Мортыслы олöмсö Енмыс сетöма бурторъяс вöчöм вылö. А лэдзчысьнытö, горшасьнытö, юнытö, гусясьнытö, вöр-ватö гудыртнытö, пемöсъяс вылын тешитчынытö, лёк вöчнытö оз ков, оз позь. Лыдди Ёгор Женьлысь кывбуръяссö да, быттьöкö, менсьым мöвпъясöс удитöма тшöтш водзынджык нин гижны. 100-ысь унджык кывбур, эмöсь и шемöсмöдана висьтъяс, «Ленин туйöд», «Парма гор» газетъясын, «Войвыв кодзув» журналын йöзöдчöмъяс.

Евгений Егорович Уляшев чужлöма 1927 воын öшым тöлысь 27-öд лунö Бадьёльйылын. Тöдліс, дерт, сьöкыд вояссö, тшыгсö. Ыджыд тыш заводитчигöн 14 арöса на и вöлöма. 1944 воын босьтöмаöсь война вылö нин. Вöралысь, зарни киа морт (сиктын уналаын эмöсь Ёгор Женьöн вöчöмторъяс), гижысь, чужанінсö сьылöдысь, бур семьянин (Анна Ивановна гöтырыскöд быдтöмаöсь квайт челядьöс), бур ёрт, коми гижысьяслöн котырö пырысь – ставыс тайö Евгений Егорович Уляшев йылысь…
Водзö лыддьöй март 10-öд лунся газетысь.
Жанна СИЗЕВА.
Снимокъяс гижысьлöн чукöртöмаысь.