Медводдза тувсовъя праздник лунö ассьыс юбилей пасйис пыдди пуктана велöдысь да туйдысь Дина Николаевна Базатина. Велöдысьöн, кыдзи миян Дина Николаевна, вермас лоны сöмын сьöлöмсяньыс челядьöс, ассьыс уджсö да предметсö радейтысь морт.

 Литератураысь тöдöмлунъяс сетысь нöшта челядьдырсянь нывкаяслысь да зонкаяслысь сöвмöдö морттуй да олан сям. Висьтъяс да кывбуръяс пыр ми велöдчам лоны мывкыдöн, кутчысьны бурас, аддзыны гöгöрысь мичлун, тшöтш и овны быдöнкöд сöгласöн.

 Пыдди пуктана миян Дина Николаевна… Кымын нывка да зонкаöс велöдiс? Унаöс, зэв унаöс. Сiйö и менам медводдза велöдысь. Нуöдiс роч кыв да литература, черчение да рисование урокъяс. Зэв вежавидзысь, авъя, ассьыс предметъяссö зэв бура тöдысь да сюсь велöдысь. Бур мывкыдлуна велöдысь, кöть ичöтика, но окота лоны сы кöдьöн жö…
Водзö лыддьöй март 28-öд лунся газетысь.

 Елена Курочкина.
 Лилия Островскаялöн снимок вылын: Д.Н.Базатина нылыскöд да внучкаыскöд.