Апрель 21-öд лунö став страна пасьта, тшöтш и миян республикаын, заводитчö «Красная гвоздика» акция.

«Красная гвоздика» — тайö Чужан му дорйысьясöс казьтылан пас. Ог вунöдöй да казьтыштам найöс, кодъяс пуктiсны юрнысö вöрöгкöд тышыын, да копыртлам юрнымöс ветеранъяс водзын.
Значоксö ньöбöмöн быдöн вермас пуктыны ассьыс пай ветеранъяслы отсалöмö. Вузалöмсьыс став сьöмсö бергöдасны Ыджыд да мукöд тышъяс пыр мунöм ветеранъяслы вылыс технологияяс отсöгöн бурдöдчöм вылö.

Ньöбны значоксö позяс гвоздика.рф сайт пыр, вузасянiнъясысь, почта вылысь да ас окотаысь отсасьысьяслысь.

Акциясö котыртö «Память поколений» благотворительнöй фонд. Тайö Россияын дзик öти тышъяс пыр мунöм торъя мортлы бурдöдчыны отсалысь коммерциятöм котыр. Акциясö нуöдöмöн пöшти 2 млрд 204 млн шайт дон отсалiсны страна пасьтаысь 16 600 ветеранлы. Лои вöчöма унасикас операция, прöйдитöдöма реабилитация курсъяс, ньöбöма выльпöлöс протезъяс да слухöвöй аппаратъяс, донапöлöс коляска да бурдöдчан комплектъяс да уна мукöдтор йöзлысь олöмсö кокньöдöм могысь.
Комиын отсалiсны 45 ветеранлы 2 млн 842 сюрс 862 шайт дон.
Републикаса юралысьлöн пресс-служба.