Республикаса районъясысь полициялы ас окотаöн отсасысьяслöн конкурсын петкöдчысьяс пöвстын Кебанъёльысь Сергей Викторович Борзов лоис медся бурöн.
Миян котырын сiйö 2017-öд вося октябр 20-öд лунсянь. Кадöн оз артась, мукöдъяскöд тшöтш петавлö видзны общественнöй пöрадок, водзмöстчысьяскöд тшöтш кытшовтö посёлок, гажъяс да шойччан рытъясö дежуритö участокса уполномоченнöйкöд либö пытшкöсса делöяс министерстволöн районса юкöнысь мукöд уджалысьяскöд.
Пырöдчö дружинникъясöн нуöдан уджъясö. Петалам сöстöммöдны ю пöлöн, йöзöс олöдам телефон пыр ылöдчысьяслöн налькйö шедöмысь, быд во июнь 22-öд лунö сись öзтöмöн казьтылам Великöй Отечественнöй война вылын юрнысö пуктысьясöс.
Мыж вöчöм туялiгöн Сергей Викторовичöс тшöкыда корлöны кыдз понятöйöс. Кольöм вося апрельын том морт отсалiс эрдöдны мыж.
Сергей Викторовичöс общественнöй пöрадок видзöмысь аттьöалан гижöдöн пасйисны пытшкöсса делöяс республикаса министерствосянь, «Кебанъёль» овмöдчöминса администрациясянь.
Кольöм воын республикаса конкурсын вермис миян жö котырысь Яна Ивановна Зезегова. Нимкодь, мый вылö донъялöны том йöзлысь водзмöстчöмсö.
Дарья Аверьянова,
Кебанъёльса дружинникъяслöн котырöн юрнуöдысь.
Снимок вылын Сергей Викторович Борзов.