Гриппысь медся бура видзö прививка. Висьöм паськалöм водзас сійöс вöзйöны вöчны быдöнлы, кодъяслы, дерт, лöсялö. Торйöн нин лоысь мамъяслы, кодъяс виччысьöны кагаöс. Налöн нöбасян кадыс зэв тöдчана, öд колö тöждысьны оз сöмын ас вöснаныс, но и кага вöснаныс. Ань тöдö и полö, мый грипп вермас вуджны сьöкыд висьöмöдз, а нöбасигöн оз на быдторйöн позь бурдöдчынысö. Сы вöсна врачьяс вöзйöны гриппсьыс прививкасö вöчны аньлы нöбасьтöдзыс на, кор сійö сöмын на кöсйö лöсьöдны кагасö.

Инфекцияыс паськалö висьысь мортсянь сылöн 5-7–öд лунъяс нёрпалігöн, весиг кор висьö кокниа либö нинöм майшöдтöг. И вуджö сійö сынöд-войт да сынöн-бус пыр, нёрпалыськöд сёрнитігöн, кор сійö кызö, несъялö. Вирусыс разавны вермас 2-3 метра ыджда кытшын. Омöльджыка паськалö öтувъя вöдитчан эмбур – чачаяс, паськöм, тасьті-пань пыр. Кытшалысь сынöдын сійö олö некымын чассянь 7-12 лунöдз…
Водзö лыддьöй сентябр 26-öд лунся газетысь.
Светлана Попова, районса шöр бурдöдчанінöн веськöдлысьöс вежысь.
Снимок районса шöр бурдöдчанiнлöн сайт вылысь.