Быд мортлöн эм волöн радейтана кад. Кодлыкö кажитчö аслас еджыд сöстöмлунöн тöв, кодлыкö сьöлöм вылас воö дзоридзалана чöскыд льöм кöра тулыс, мукöдыслы — пöртмасян рöма озыр ар. Сордйылысь Августа Федосеевна Бизина радейтö гожöм. Гашкö, сы вöсна мый сійö чужис августын. Шоныд гожся луныс, буракö, лелькуйтöма чужсьöг кагаа потансö, лышкыда шебралöма шонді югöръяснас. Сідзкö, тавося август медводдза лунö Августа Федосеевналы тырö 85 арöс!

 Аньлöн уна награда. Пасйисны нёльöд тшупöда «Уджлы Слава» орденöн, «За трудовое отличие», «Уджвывса ветеран» да юбилейнöй медальясöн, «Социалистическöй ордйысьöмын вермысь», «10 пятилеткаса ударник», «Коммунистическöй уджвывса ударник» пасъясöн, почёт грамотаясöн да аттьöалан гижöдъясöн.

 Августа Федосеевна быдтіс да велöдіс нёль челядьöс. Надя нылыс видз-му овмöс техникум помалöм бöрын мам кок туйöдыс дöзьöритіс мöсъясöс. Пемöсъясöс радейтöмыс вуджис мамсяньыс. 9 внук да 12 правнук пыдди пуктöны сійöс. Аньлы зэв нимкодь, кор керкаыс тыр челядь гöлöсъясöн. Век нюмсора да мича, шань да сибыд, зіль да олöмсö радейтысь коми ань. Чолöмалам Августа Федосеевнаöс тшупöда пасöн. Мед Ен сетас сылы ён дзоньвидзалун, кыпыд да шоныд лунъяс, муслун да пыдди пуктöм…
Водзö лыддьöй июль 26-öд лунся газетысь.
Жанна Сизева.
Снимокъяс Бизинъялöн чукöртöмысь.