Октябр 28 лунö «Барс» котырысь водитель С.В.Нестеров пасъяс Россияса автомобилистлысь лун. Сергей Владимирович машиналöн руль сайын 18 во.
-Сiдзсö Кулöмдiнса шöр школа помалöм бöрын ме велöдчи Кебанъёльса 26 номера ГПТУ-ын трактористö, — висьталiс С.В.Нестеров, — но сэки меным эз на вöв 17 арöс да трактористлысь правосö эз сетны. 17 арöс тыртöдз уджалi Кулöмдiнса совхозлöн шöр отделениеса фермаын: вердi скöтöс да идралi кок увнысö. 1984-1986 воясын трактористалi. Армияын служитöм бöрын бара уджалi трактор вылын совхозын, бöрынджык ― крестьянин ас овмöсын. 1994 воын велöдчи водительö.
1996 воын котыртчис «Барс». Сергей Владимирович уджалö сэнi водительöн медводдза лунсяньыс. Ваялiс сёян-юан, промышленнöй тöваръяс да стрöитчан материал Кировысь, Москваысь да мукöд каръясысь. Öтчыд весиг ветлiс Казахстанö.
Бура да дыр уджалöмысь унаысь пасйылiсны уна Почёт грамотачсöн да козинъясöн.
С.В.Нестеров аслас «Нива» машинаöн радейтö ветлыны кыйны чери да вöравны